مناقشة المسلسل المدبلج حاليا brave story

الحين أظن أغلب الأعضاء شافو المسلسل وانا واحد منكم شفته بعد اللي ابيه منكم اذا ماعليكم امر

اكتبو الملاحظات اللي لاحظتوها علشان البعض يتلافاها المرة الجايه اوكي

وابي كل عضو يشوف دوره اذا عاجبه ولا لا بينه وبين نفسه وحتى انا يبيلي تطوير بعد

المهم ان شاء الله للأمام ياdark wings....................

أنا وياج سلمى
في ناس تخاف ترفع صوتها بحكم ان اهلهم بسمعون صوتهم
و صوتج وايد حلو ^_^ و أتقنتي الدور صج خصوصا بالجزء الثاني انا خفت إن ماحد يقدر عليها بس الصراحة اتقنتيها عدل

بعدي احمل الفلم.. قطع التحميل امس..

بس اليوم بشوفه تراه يحمل الحين!

خايفه اشوف دوري يكون طلع بشع..

شكـرا ً سلمة على المدح و انا سعيد ان اعجبج دوري وانا الحكيم لاو وعمري 80
سنة هههههههههه

وانا رايي من راي سلمى واشوف انة اكثر من اتقن الاداء هي : يوكي

لانه كان فية اداء لصوت طفل شجاع .. نصور بعد عجبني شغلة .. سلمى
اديتي ادء جميل و صوتج كان هادئ ومناسب للشخصية تماما ً .. بلاك سبايدر كان صوتها يصلح 100 % لشخصية القطة
والبقية
بعد ادوراكم كانت حلوة بس في كذا دور كان يبيلة تعديل .

لحد يزعل مني علشان ما ذكرت اسمة او شي
لانه هذي وجهة نظري بخصوص افضل المؤدين .

على العموم بنتظار الجزء القسم الثاني من الفلم وشكــرا ً

انا اظم صوتي لصوتكم بعد واحترم وجهات نظركم علي وبكل صدر رحب وروح رياضية


وحتى لو انتقدتوني عادي المهم استفيد وافيد

حلو الواحد يقول اللي بقلبه واذا في شي بقلوبكم بعد قولوه

ترى حنا اخوان

اخيراً شفت الجزء الاول من الفلم.. حلو وكنسخه اولى زين.. اتمنى النسخه المعدله تكون احسن..

لاحظت وايد اشياء فالفلم منها الزين والشين.. مثل ما قلنا قبل.. النقد اللي نستخدمه هني هو النقد البناء والهدف منه التطوير.. فلا تزعلون من اي تعليق وحاولوا تتجنبون الاخطاء..

شخصيه واتارو: افضل تمثيل سمعته فالفلم كله.. اتقان للدور والمشهد مع الاحساس بالحدث... بس المشكله اللي لاحظتها فيه انه في اوقات تزيد ضرخه خارجيه.. مثلا لما كان يصرخ وهو ينزل فالاغصان عند لاو شي.. الصوت اوكي بس ضفتي صرخه كانت ابداً ما تناسب المكان..الصوت وااايد عالي عن الصوت الاصلي.. فراعي الشي هذا من عقب.. من غير فالبدايه واتارو مع كات وهم خايفين كان المفروض يسكتون فجأه من الصراخ لان الشخصيتين يتجمدون فمكانهم مع ظهور عيون القطه.. بس انتوا استمريتوا فالصراخ, خرب على المشهد..

كات: اوكي كان.. ما كان عليه شي تقريباً بس لو تفاعلتي معاه اكثر لكان بيكون بعد احلى وارفعي الصوت اكثر..

متسورو (انا): لاحظت اني لو بعدت المايك مني اكثر الصوت كان بيكون احسن..

ام متسورو: ماعليها شي.. كانت اوكي.. الدور بسيط بالاساس..

والد متسورو: للاسف الصوت ابداً ما كان اوكي مع الدور. الصوت نفسه ما كان واضح.. قريب بزياده من المايك وخااااالي من المشاعر.. مافي التزام بمشاعر الشخصيه.. كأنه بس يقرا من ورقه..حاول تنتبه للشخصيه وهي تتكلم كيف احساسها ومشاعرها واسلوبها فالكلام..

بنات الصف: لو كان فيه كلام اكثر بيكون افضل.. وكلمه اشيكاوا اللي قالتها البنت كأنها كانت مقطوعه على النهايه..

اشيوكا: الصوت ماكان واضح وصعب ان الواحد يفهمه.. قريب وااايد من المايك.. بعد المايك وخل الصوت اوضح بيكون واايد احسن..كم غير عند التعويذه مع سيده الظلام بربروني الصراخ ابداً ما يناسب الوقف.. كان خفيف وبصوت عادي والمفروض يكون عالي وخايف..

المعلم: واااايد قريب المايك ومافيه حس.. اللي خذ دوره ما خذ راحته فالصراخ.. واضح ان الصوت مضغوط.. ناقصنه الاحساس بالموقف..

أوجاوا والفتى السمين من عصابه اشيوكا: هم اوكي بس ناقصهم شي.. واحد منهم صوته خفيف والثاني عالي.. وفالصراخ ماكان اوكي.. واضح ان الاثنين حاولوا يضبطون الدور بس يباله تدريب اكثر..والصراخ مع بربروني نفس الكلام اللي قلته عن اشيوكا..

الممرضات: برود فالتمثيل..

الدكتور: الصوت قريب من المايك بزياده.. وما فهمت شو قال بعد "هل ما زالت...؟"

فتاة الصوت: صوتها اوكي.. بس الصدى المستخدم يخلي صوتها مو مفهوم فاوقات..لو يتغير نوع الصدى بيكون احسن..

العصافير: تحفه!! ماعرفت صوتي حتى! لو ما كنت ادري اني انا اللي سويت كذا واحد من ادوارهم لما كنت عرفت ان هذا صوتي!

الحراس الاربعه: ماقدر اقول ان فيهم شي مازين.. كانوا اوكي..

الحكيم لاو شي: كان ممتاز للدور.. بس غلطته الوحيده كانت اسم البطل.. واتارو.. نطقتها أوتارو بدل واتارو.. وبدل العامه قلت العامله..

كي كيما: التمثيل ممتاز خصوصا مشهد الاكل... بس فيه مشاكل, اولا النطق.. مثلا كلمه "ارض" نطقتها "ارظ" وغيرها وايد كلمات.. انتبهوا انكم ما تخلطون لهجاتكم فالدبلجه.. حسيت انك كنت بتسوي الدور احس من جي. كنت خايف حد يسمعك وانت تدبلج؟ وكأن الوقت لتسليم الدبلجه ما كفاك عسب تدرب عليها اكثر.. فأظن اني اقدر افهم اسباب الخطأ فالدبلجه معاك..

حارس مدخل مدينه جاسارا: الصوت مضغوط.. مممم.. اللي دبلجه غير صوته عن قصد بس ضغط على صوته بشكل غريب.. لو تاخذون راحتكم فالكلام وانتوا تغلظون الصوت احسن..

الباعه فسوق جاسارا: المفروض يعلون الصوت اكثر.. هم الحين يبون يبيعون اغراضهم فلازم الصوت باسلوب اعلى قريب من الصراخ..

العمه يونا: ممتاااازه! الصوت يناسب الدور..

مدير السيرك: ماشاء الله ضبط الدور واتقنه.. ممتازوماقدر اطلع فيه اي خطأ الا التقطيع فنهايه الكلمات واتوقع ان هذا صار فالمكس..

اللصوص: ممم.. مادري شو اقول.. مستوى الصوت ما متناسق مع بعض.. وتقطيع آخر حرف من آخر كلمه خرّب شوي..بس اسلوب التمثيل اوكي.. اللص النحيف كان انسب للدور اكثر من الثاني بس يمكن لو عكسوا ادوارهم بيكون انسب..

مينا: الصوت قريب من المايك.. وكأنج متردده فالتمثيل؟ على آخر شي المفروض تصرخين وانتي تنادين واتارو وانتي همستي تقريباً.. بس صوتج مناسب للشخصيه..

تورون: اوكي بس قريب من المايك وبارد شوي..

كاتسو: في مشكلتين.. الاولى ان الصوت ماكان عايش الحدث.. المشاعر مو موجوده.. المشكله الثانيه ان نبره الصوت ما ناسبت الشخصيه من الاساس.. الصوت رقيق والشخصيه حازمه بالاساس.. فاقول لو خليتي مستوى صوتج اقوى كان بيكون احسن.. بس حاليا اقول ان الصوت ما ناسب الشخصيه..

حارس الهايلاندر المارفق لكهف اللاعوده: بروووووووووووووووووود فالكلام..

دايمون: الصوت مناسب للشخصيه.. بس قريب من المايك والصوت خفيف فالكلام ما وضحت.. بعد المايك عنك وارفع الصوت بيكون ممتاز.. من غير في مشكله فالجُمل نفسها.. الجُمل تخلص اسرع من حركه الشفاه.. فالمدبلج خلص الكلام بس الشخصيه بعدها تتكلم..

الساحر الشرير مرافق واتارو: الصوت واضح ومناسب للشخصيه بس قريب من المايك وفيه برود شوي.. وتقطيع الكلمات فنهايه الجُمل..

تقريبا هذول كل الشخصيات.. فكل واحد يشوف شو اخطاءه والعيوب ويصححها.. انا بعد عندي عيب فالتمثيل فحالي من حالكم واتذكروا ان الهدف من ها هو النقد البناء.. فلا تزعلون..

انا عجبني الصدى فكلمه Break والوقت اللي افترق فيه ميتاني واشيكاوا فالبدايه.. بس ماناسب لفتاه الصوت.. من غير عجبني اختلاف مستوى صوت ميتاني فاوقات.. مثل يوم يكون بعيد ولا قريب.. وصدى مدير السيرك..

صوت الموسيقى الخلفيه يبي له رفع لان في اوقات ما يحلى الدور الا بالموسيقى الخلفيه.. مثل مقطع التعويذه لاشيكاوا مع عصابه اشيوكا..

أزيد تعليقات ولا بس خلاص؟

لا بس خلاص... احس اللي كتبته يكفي ويزيد..

والسموحه..

بالنسبة لأوسكار أحسن أداء فقد فازت به المدبلجة القديرة يوكي عندورها "واتارو" في فلم برايف ستوري أو كما يحلو للبعض(أنا) مناداته قصة شجاع
كما فازت مياكو بجائزة شرفية لاحتلالها المركز الثاني بينما المركز الثالت كان لكيرا عن دوره في الحكيم لاو

هذه الجوائز مؤقتة لحين صدور الجزء الثاني

أولا الأغنية التي كانت داخل الفلم عندما اجتمع كيكيما واتارو و القطة مينا صوتها منخفض كثيرا يعني لازم الزيادة قليلا في الصوت

ثانيا صوت أب واتارو يعني يظهر صوت البرنامج الذي استعمل لتغيير الصوت كأن من يتكلم هو رجل آلي كما أنه ليس هناك أي تعابير في الأداء يجب اصلاح هذا
إيجابيات:
أكثر ما عجبني في الفلم هو لحظة استدعاء ميتسورو (مياكو) للوحش فالكلمات السحرية ذكرتني بهاري بوتر

مياكو انا اتفق وياج بأشياء و اخالفج باشياء ثانية

في ادوار كانت اساسا باردة مثل حارس الكهف و الممرضات

دور كاتسو كان مناسب @_@ بس منخفض

في أعضاء اتقنوا الدور و في منهم عندهم أخطاء اتمنى انكم تستفيدوا من اخطائكم

Maebara-Kun ^_^ إن شاء الله نصحح الأخطاء

مياكو إنتي ماخليتي أحد

ردك مفيد جدا و أنا عن نفسي سأصحح أخطائي بعد الترجمة أتمنى من الأعضاء الآخرين الإستفادة و التصحيح

و الأدوار التي عملتها كلها قلتي فيها تقريب المايك من الفم كيف تعريفيني هذه دقة ملاحظة سأحاول إصلاح هذا

شكرا مايبارا اخجلت توااااااضعي!!

اي تواضع ها؟

Maebara-Kun كتب:

مياكو إنتي ماخليتي أحد

ردك مفيد جدا و أنا عن نفسي سأصحح أخطائي بعد الترجمة أتمنى من الأعضاء الآخرين الإستفادة و التصحيح

و الأدوار التي عملتها كلها قلتي فيها تقريب المايك من الفم كيف تعريفيني هذه دقة ملاحظة سأحاول إصلاح هذا

انا قاعده اكتب التعليق هذا من الظهر وانا اتابع الفلم.. تباني اخلي حد بعد؟

ما كنت ادري انهم انت, خساره كنت بطلع بيهم اشياء ثانيه بعد..

مشكور على الاطراء فدقه الملاحظه.. رفعت مستوى غروري مترين!

بس مقطع التعويذه ناقصه الموسيقى الخلفيه ويكتمل! بس الموسيقى!!

مياكو برفعه بالنسخه الثانية !

المشكله ما شيكت عليه يوم خلصت ...كنت ادري بشوف اخطاء و بأخر الرفع

هذي النسخه الاولى والسريعه فمافي داعي.. بس النسخه المعدله او مثل ما اسميها انا النسخه الBETA بتوكون احسن من جي لان الملاحظات عرفناها وعرفناه شو المحتاج تعديل..

صح؟

مشكووووووووووووووووووووووووورة اخت مياكو على الشرح المفصل هذا

وانا بعد بصلح اخظائي

وان شاء الله يكون كل واحد استفاد من التجربة هذي


وترى الجاي اكثر لحد يطيح بنفس الأخطاء اللي طاح فيها وخلو شعاركم هذا


ليس سيئا ان نخطأ لكن السئ ان نعيد الخطأ (النابغة الذبياني هههه)


المهم فهمتوني هههههههههه وبالتوفيق لكل المدبلجين وعقبال الألفية

العفو نصوور.. الهدف هو الاستفاده من الاخطاء..

صح يامياكو ويعطكم العافيه

اممم..
مياكو سأبذل جهدي في المرة القادمة-بإذن الله-كي أتقن الدور..
وشكرا يوكي لأنك دافعتي عني..
وبالتوفيق للجميع..
أما بالنسبة لرأيي..
فقد كان الفيلم كذا ..
بس في بعض الأصوات كانت منخفضة..
والباقي تم ذكره من قبل..

Dark Angel ما كان قصدي احبطج او اي شي, بس اظهار نقاط الضعف اللي صارت..

انتي منو فالفلم؟

لا لا أنا لم أحبط..
وأفهم هذا الأمر..
أنا..
كاتسو..

مثل ما قال الكل احسن صوت صوت واتارو و كاكيما والفطة ما اذكر اسمها بس في ملاحظه لكيكيما والقطوة الصغيرة علواا صوتكم شوي
يعني لو فيصرااخ لا تقولوت أااا قول آاااااااااااااااااااااااااااااااااااااااااااا وبصوت عالي امزح لول صوت اب واتارو احس في مشكله في المايك
وعن متسورو اممم احس في مقاطع يكوون فيها الصوت عالي وفي مقاطع يكون العكس وشوي الأداء يباله بعد اقصد التمثيل وانا مع مياكو في بعض الأشياء اللي قالتها وأحلى شي عيبني صووت العصافيير
اما عن دوري اللي هو كات كان صعب علي لأنه ولد وانا بنت فشوي احسه مب لايق علي

Heechano انتي كات؟

ما عرفتج!!

انا على طول عرفت انج متسورو بس أحلى شي سويتيه الصراحة صوت العصافير يجننوووووووووووو

مشكوره... عدته اكثر من مره لاني كنت اضحك على صوتي بنص الجمله كلما وصلت مثير للشفقه..

بس الضحك كان "لكل سؤال جواب ولكل جواب سؤال" و"طريق العوده ينقنق, اللغز القديم يحترق" يوكي لعبت بالصوت من الخاااااااااااطر!!